Sefydlwyd Menter Siabod, Grŵp Gweithredu Cymunedol, ym mis Ebrill 2023 ac maen nhw wedi bod wrthi’n brysur yn datblygu prosiectau ar y cyd â’i breswylwyr, sydd wedi ac a fydd yn parhau i sicrhau datblygu cynaliadwy gan ymdrin â’r gymuned gyfan.  

 

Dyma nodau Menter Siabod . . .

​

• Annog cydweithio gyda thrigolion y gymuned, asiantaethau allanol a’r awdurdod lleol drwy hyrwyddo a datblygu prosiectau. 

• Hybu enw da’r gymuned a chynyddu’r nifer o ymwelwyr i’r ardal, sydd yn ei dro yn meithrin ymdeimlad o le a pherthyn. 

• Gwella lles economaidd a chymdeithasol Dolwyddelan drwy ychwanegu gwerth at y cyfleusterau a’r gwasanaethau presennol.

 

Dyma amcanion y grŵp. . .

 

• Cryfhau’r gymuned – drwy gynyddu cynhwysiant cymdeithasol a chymryd rhan, gwella amgylchedd y gymdogaeth, y gweithgareddau i blant, twristiaeth a rhwydweithiau hunangymorth.

• Hyrwyddo mynediad i addysg, cyflogaeth ystyrlon a chymorth i’r rheiny sy’n agored i niwed. 

• Hybu unigolion i gymryd rhan mewn gweithgareddau chwaraeon drwy gynyddu perfformiad cardiofasgwlaidd. 

• Hybu cymhelliant a hyder, a meithrin potensial hirdymor y gymuned gyfan. 

• Goresgyn rhwystrau a all atal cynaliadwyedd cymunedol.